Samskipti stúlkna

Námskeiðið Samskipti stúlkna - leið til lausna er hagnýtt og árangursríkt verkefni sem hægt er að vinna með stúlkum í 5.-10. bekk til þess að stuðla að jákvæðum samskiptum í stúlknahópum.

Námskeiðið er fyrir alla sem starfa með stúlkum á þessum aldri. 

Námskeiðið byggir á hugmyndum bandarísku sérfræðinganna Julaine Field, Jered Kolbert, Laura Crothers og Tammy Hughes. Þau hafa sett saman áætlun fyrir skóla um hvernig vinna má með stúlkur sem eiga í samskiptavanda. Áætlunin byggir á ákveðnu skipulagi sem hægt er að nýta með stúlknahópum.

Lýsing:
Samskipti stúlkna - leið til lausna er samræðu- og samskiptaverkefni ætlað stelpum á mið- unglingastigi grunnskóla (5.-10. bekk). Það er bæði hugsað sem fyrirbyggjandi og einnig til þess að vinna úr samskiptavanda sem er til staðar. Verkefnið samanstendur af 10 spjallfundum og er hvert spjall um 40 mínútna langt.

Markmið:
Þátttakendur:
Öðlast þekkingu á fræðilegum grunni efnisins.
Leikni til þess að halda og leiða samræðu- og samskiptafundi með stúlknahópum.

Félagsleg færni stúlknanna er efld með samskiptavinnu og þær fá tækifæri til að ræða saman um þau félagslegu skilaboð sem ætluð eru ungum konum/stelpum í dag, um mikilvægi félagstengsla, sjálfvirðingar og félagslegrar samkenndar. Stúlkurnar fá þjálfun í að hugsa á gagnrýninn hátt um samskipti sín, hvernig þær tengjast hver öðrum og þeim er gefið tækifæri til að tala um reynslu sína um leið og þær læra að takast á við árekstra og samkeppni við jafningjana.

Fyrsti hluti
Fyrirlestrar og verkefni á vef (4,5 klst.)
Ráðgjafafundur í rauntíma með kennara námskeiðsins (2 klst.)

Annar hluti 
Ráðgjafafundur fyrir hvern og einn þátttakanda í rauntíma með kennara námskeiðsins (30 mín.), haldinn eftir að þátttakendur hafa haldið 3-4 fundi með stúlkum. 

Þriðji hluti 
Fyrirlestrar og verkefni á vef (1-2 klst.)
Ráðgjafafundur í rauntíma með kennara námskeiðsins (1-2 klst.)

Námskeiðið er fyrir alla sem starfa með stúlkum í 5.-10. bekk og hefur það verið vinsælt hjá kennurum, náms- og starfsráðgjöfum, tómstunda- og félagsmálafræðingum, félagsráðgjöfum og starfsfólki í félagsmiðstöðvum. 

Fyrri hluti 

15. október -  23. október 2024
Fyrirlestrar á vef - þátttakendur hafa viku til að hlusta á fyrirlestra. 

 23. október 2024
Ráðgjafafundur með kennara námskeiðsins frá klukkan 14:00-16:00 á zoom.


Samræðuverkefni unnið með nemendum 

23. október 2024- 20. maí 2025
Þátttakendur vinna með stúlknahópum og fara í gegnum umræðuverkefnin. Boðið verður upp á ráðgjafafund fyrir hvern og einn þátttakanda á þessu tímabili. 


Seinni hluti

20. maí 2025 - 27. maí 2025
Fyrirlestrar á vef - þátttakendur hafa viku til að hlusta á fyrirlestra. 

27. maí 2025
Ráðgjafafundur með kennara námskeiðsins frá klukkan 14:00-16:00 á zoom.

Nánari upplýsingar veitir:  
Sigríður Ingadóttir, sigriduri@unak.is, 460 8591

59.000 kr.

Innifalið er námskeiðið, öll námskeiðsgögn og ráðgjöf á milli námskeiðshluta. Þátttakendur fá aðgang að öllu efni sem til þarf að halda fundi með nemendahópum.

Umsagnir „viðskiptavina“:
„Gott að fá verkfæri í hendurnar“
„Vekur okkur til umhugsunar um samskiptin. Frábær verkfæri“
„Praktískt“
„Fínt námskeið“
„Hagnýtt“