Leiðtoganám í læsi – 3. önn – haust 2025

Á námskeiðinu verður fjallað um mikilvægi yndislesturs, tals og hlustunar í kennslu í tengslum við læsi. Nemendur læra markvissar aðferðir til að efla samþættingu námsgreina sem styrkja fjölbreyttar kennsluaðferðir og skapandi starf. Áhersla verður lögð á hvernig styðja megi við foreldra í læsisnámi barna sinna. Í því sambandi verður rætt um gildi samstarfs við foreldra og fagfólk.

Lögð verður áhersla á að nemendur þekki og skilji ólíkar nálganir við leiðsögn með tilliti til starfsþroska þess sem leiðsagt er. Hugað er að ábyrgð þess sem leiðsögnina veitir svo og stöðu þess sem hennar nýtur.

Námskeiðið verður tengt starfi nemenda m.a. með þjálfun í að gera starfendarannsókn á eigin starfi í leiðsögn í læsi á vettvangi. Nemendur munu afla gagna sem síðan eru greind og túlkuð. Lögð er áhersla á jafningjaleiðsögn nemenda þar sem þeir taka mið af eigin kennslureynslu og reynslu af leiðsögn. 

Íris Hrönn Kristinsdóttir

Anna Sigrún Rafnsdóttir

150.000 kr.