KVINNA: Ósköpin öll og krafturinn á breytingaskeiðinu. Verkefnastýring í lífi og starfi

Skráningarfrestur er til miðnættis 2. mars 2025.

Námskeiðið inniheldur fræðslu og þekkingarmiðlun um gagnlega nýtingu á verkefnastýringu í lífi og starfi í takt við hormónabreytingar, líkamlegt heilbrigði og læknisfræði kvenlíkamans ásamt verkfærum, lausnum og tileinkun á nýjustu rannsóknum. Námskeiðið er í umsjá TÝRU verkefnastýringar. Gestakennarar eru Hanna Lilja Oddgeirsdóttir læknir og sérfræðingur á sviði breytingaskeiðs kvenna og eigandi Gyna Medica - lækninga og heilsumiðstöð fyrir konur og Aðalheiður Jensen yfirþjálfara og eiganda Tilveran heilsuseturs. 

Innifalið í námskeiðinu er einkatíma fyrir hvern og einn þátttakanda í lok námskeiðsins hjá TÝRU Verkefnastýringu og miðast hann að því að efla heildræna hugsun, skipulag og yfirsýn.

Markmið námskeiðsins er að þátttakendur fái heildræna og greinagóða yfirsýn yfir nýtingu verkefnastýringar í lífi og starfi út frá hormónabreytingum og nýjustu rannsóknum um viðfangsefnið og fræðslu í tengslum við læknisfræði og líkamlegt heilbrigði. Miðluð er til þátttakenda fræðsla ásamt verkfærum sem ýmist veita stuðning eða stuðla að lausnum og eflingu í tengslum við einkalíf, atvinnulíf og þær samfélagslegar aðstæður sem kunna að hafa áhrif á upplifun hormónabreytinga og breytingaskeiðs.

Einn af aðal hvötum fyrirlesara er að taka þátt í að efla útbreiðslu á faglegri þekkingu og lýðheilsu er tengist hormónabreytingum kvenna ásamt því að stuðla að auknu heilsulæsi samfélagsins. Rannsóknir gefa sterkar vísbendingar um að aðgerðarleysi eða skortur á upplýsingamiðlun og stuðningi í tengslum við kvenheilsu geti haft umfangsmikil áhrif á atvinnulíf, fjárhag þjóðar og á samfélagið í heild. Í niðurstöðum rannsókna kemur fram að áríðandi sé að leggja ríka áherslu á að þau málefni sem snúa að kvenheilsu og  breytingaskeiði séu skilgreind sem mikilvæg lýðheilsumál sem eru hluti af eðlilegum líffræðilegum þroska manneskjunnar. 

5 skipta fjarnámskeið frá 3. mars 2025. Rafrænir 1,5 klst fundir/fyrirlestrar með leiðbeinendum námskeiðsins eru uppistaðan og því mikilvægt að komast í tímana. Tímasetningar eru hér neðar undir “Dagskrá”.

Innifalið í námskeiðinu er einkatími hjá Týru verkefnastýringu sem og afslættir:

Þátttakendur fá 25% afslátt af fjölbreyttum einkatímum hjá TÝRA verkefnastýringu í gegnum Kara Connect. https://karaconnect.com/is/

Þáttakendur fá 20% afslátt af 10 tíma klippikorti hjá Tilverunni heilusetri https://tilveranheilsusetur.is/. 

Þátttakendur fá 10% afslátt af tímum hjá GynaMEDICA ef pantað er innan 6 vikna frá námskeiðslokum.  

https://www.gynamedica.is/ 

Fræðslumyndbandi frá GynaMEDICA er sent til skráðra þátttakenda áður en námskeið hefst. 
 

Námskeiðið fer alfarið fram í fjarnámi og kennt í gegnum Zoom, glærur og annað efni er aðgengilegt á vef námskeiðsins. Að loknu námskeiði er gefið út þátttökuskírteini.

Fjarfundirnir eru 5 talsins og hver um 1,5-2 klst að lengd. Fundirnir eru kl.17:30 og hefjast þann 3. mars 2025. Dagsetningar næstu funda má finna undir “Dagskrá”.

Einkatímarnir hjá Týru Verkefnastýringu sem eru innifaldir í námskeiðinu fara fram 20. og 21. mars. Þátttakendur fá boð um að velja tímasetningar sem henta í byrjun námskeiðsins.

Námskeiðið er í heild um 8,5 klst á fundum, þar að auki má áætla tíma í lestur og vinnu utan fundanna.

Bókin The Menopause Brain: New Science Empowers Women to Navigate the Pivotal Transition with Knowledge and Confidence. Hægt er að nálgast bókina á Audible.
https://www.audible.com/pd/The-Menopause-Brain-Audiobook/B0CB94L8KG

Rannsóknir sem sendar eru til þátttakenda á tímabilinu sem námskeiðið er í gangi. 
Þátttakendur fá greinargott yfirlit yfir nýjustu rannsóknir og niðurstöður þeirra ásamt innsýn í útbreiðslu þekkingar á Íslandi.

Þátttakendur fá í hendurnar skapalón sem þeir geta nýtt áfram eftir að námskeiði lýkur. Skapalónið er unnið í forritinu Mural https://www.mural.co/ og fá þátttakendur sendar notkunarleiðbeiningar áður en námskeið hefst.

Allir tímar námskeiðsins eru rafrænir og fara fram í gegnum zoom kl. 17:30. Hver tími er um 1,5 klst að lengd.

• Mánudagurinn 3. mars: ÓSKÖPIN ÖLL OG KRAFTURINN SEM BREYTINGASKEIÐIÐ BER Í SKAUTI SÉR. Saga breytingarskeiðsins í einka- og atvinnulífinu og nýjustu rannsóknir. Hvað er breytingaskeiðið og verkefnastýring þess í lífi og starfi. Umsjá: TÝRA verkefnastýring
• Miðvikudagurinn 5. mars: LÆKNISFRÆÐIN Gestakennari, Hanna Lilja Oddgeirsdóttir læknir og sérfræðingur í breytingaskeiðinu, eigandi GynaMEDICA; KRAFTUR KVENNA. Hormónakerfið,  læknisfræðin, viðbrögð líkamans, mítur o.fl.
• Mánudagurinn 10.mars:  NÝJUSTU RANNSÓKNIR. Heilinn og hormónakerfið. Saga breytingaskeiðsins og nýjustu rannsóknir. Hvað er breytingaskeiðið og verkefnastýring þess í lífi og starfi. Umsjá: TÝRA verkefnastýring
• Miðvikudagurinn 12. mars: LÍKAMSRÆKT, LÍKAMLEGT HEILBRIGÐI OG JAFNVÆGI. Gestakennari, Aðalheiður Jensen þjálfari og eigandi Tilveran Heilsusetur; Breytingaskeiðið og líkamsþjálfun. Líkamsþjálfun, streitulosun, taugakerfið og andleg heilsa.
• Mánudagurinn 17. mars (2 klst): HEILDRÆN VERKEFNASTÝRING Á BREYTINGASKEIÐINU. Hvað er breytingaskeiðið og verkefnastýring þess í lífi og starfi. FYRIRLESTUR og UMRÆÐUR með TÝRU verkefnastýringu ásamt gestakennurum. 

Smelltu á myndina til að sjá nánari upplýsingar um kennarann.

Námskeiðið kostar 65.000 kr. 

Athugið að flest stéttafélög endurgreiða námskeiðisgjald eða hluta þess.