Hugleiðsla – Að finna frið í dagsins önn

„Að finna frið í dagsins önn“ er sex vikna námskeið í núvitund og hugleiðslu fyrir alla sem vilja draga úr streitu, róa hugann og efla vellíðan í daglegu lífi. Námskeiðið byggir á aðferðum í núvitundar þar sem þátttakendur læra einfaldar en áhrifaríkar æfingar sem hjálpa þeim að vera meira til staðar í augnablikinu og takast á við álag af meiri ró og jafnvægi.

Á námskeiðinu fléttast saman fræðsla, hugleiðsluæfingar og umræður með áherslu á að þátttakendur geti nýtt aðferðirnar í eigin lífi, bæði heima og í starfi. Námskeiðið byggir á metsölubókinni Finding Peace in a Frantic World eftir Mark Williams og Danny Penman og hentar bæði byrjendum og þeim sem vilja dýpka skilning sinn á núvitund og sjálfsrækt.

Með námskeiðinu fylgir hefti um núvitund ásamt æfingum og myndböndum sem nemendur fá send til sín. 

Námskeiðið er kennt í Háskólanum á Akureyri á þriðjudögum.

Á námskeiðinu verða eftirfarandi hæfniviðmið höfð að leiðarljósi:

-Að þátttakendur læri grunnatriði núvitundar og hugleiðslu.

-Að þátttakendur öðlist aukna meðvitund um eigin hugsanir, tilfinningar og streituviðbrögð.

-Að þátttakendur læri einfaldar og áhrifaríkar aðferðir til að takast á við streitu, kvíða og álag í daglegu lífi. 

-Að þátttakendur efli nærveru, sjálfsmildi og innri ró.

-Að þátttakendur geti nýtt hugleiðslu og núvitund sem verkfæri í eigin lífi og starfi.

Þátttakendur eru hvattir til að sinna 20-40 mínútna heimavinnu á dag á meðan á námskeiðinu stendur.

Námskeiðið fer fram í Háskólanum á Akureyri á þriðjudögum kl. 17:00–18:30.

Kennt er á eftirfarandi dagsetningum:

-29. september

-6. október

-13. október

-20. október

-27. október

-3. nóvember

Þuríður Helga Kristjánsdóttir

Smelltu á myndina til að sjá nánari upplýsingar um kennarann.

Verð 55.000 kr. 

Athugið að flest stéttarfélög endurgreiða námskeiðsgjald eða hluta þess.