Heimilisofbeldi: Þekking, viðbrögð og úrræði

Heimilisofbeldi er flókið samfélagslegt vandamál sem hefur djúpstæð áhrif á börn og fullorðna. Til að geta brugðist rétt við þurfum við að þekkja einkenni, afleiðingar og úrræði sem eru í boði – og kunna að hlusta á þolendur af virðingu og með skilningi.

Markmið námskeiðsins er að veita starfsfólki heilbrigðis-, félagsþjónustu og öðrum fagaðilum sem vinna með fjölskyldum innsýn í heim heimilisofbeldis, auka meðvitund og þekkingu um birtingarmyndir og afleiðingar þess, og efla færni þeirra til að bregðast við með faglegum hætti.

Fjallað er um heimilisofbeldi með áherslu á skilgreiningar, einkenni, afleiðingar, úrræði og viðbrögð. Námskeiðið miðar að því að veita fræðslu, auka meðvitund og styrkja þátttakendur í að takast á við heimilisofbeldi í starfi sínu.

 

Námskeiðið hentar öllum sem vinna með börnum, fjölskyldum eða einstaklingum – s.s. félagsráðgjöfum, kennurum, skólastjórnendum, heilbrigðisstarfsfólki, lögreglu, prestum og öðrum sem koma að velferð fólks í samfélaginu.

Af hverju að taka þátt? Þekking og viðbragð geta skipt sköpum fyrir einstakling í neyð. Með því að styrkja eigin færni og meðvitund getur þú lagt þitt af mörkum til að auka öryggi og styðja þolendur ofbeldis.

„Lærðu að greina, skilja og bregðast við heimilisofbeldi – því ofbeldi varðar okkur öll.“

Námskeiðið fer alfarið fram í fjarkennslu í gegnum Zoom. Engar upptökur verða af námskeiðinu. 

Yfirlit yfir það sem kennt er:

• ·       Skilgreiningar og tölfræði: Hvað er heimilisofbeldi, algengi þess og staðan á Íslandi.

• ·       Birtingarmyndir ofbeldis: Líkamlegt, andlegt, kynferðislegt, fjárhagslegt, stafrænt ofbeldi, gasljóstrun o.fl.

• ·       Einkenni og afleiðingar: Hjá börnum og fullorðnum – andlegar, líkamlegar og félagslegar afleiðingar.

• ·       Áhættuþættir: Einstaklingsbundnir, félagslegir og samfélagslegir þættir.

• ·       Ofbeldishringurinn og þróun ofbeldis í samböndum.

• ·       Viðbrögð fagfólks: Hvernig á að hlusta, taka á móti upplýsingum, gera mat og áhættumat.

• ·       Tilkynningarskylda og lagaumhverfi, sérstaklega gagnvart börnum.

• ·       Úrræði og þjónusta.

• ·       Valdefling og stuðningur fagfólks við þolendur.

• ·       Hindranir í að leita sér hjálpar og mikilvægi valdeflingar og áfallamiðaðrar nálgunar.

Eftir námskeiðið ættu þátttakendur:

• ·       Að þekkja mismunandi birtingarmyndir heimilisofbeldis.

• ·       Að geta séð helstu einkenni og afleiðingar ofbeldis hjá börnum og fullorðnum.

• ·       Að skilja áhættuþætti sem tengjast heimilisofbeldi.

• ·       Að hafa verkfæri til að hlusta og bregðast við af öryggi og fagmennsku í samskiptum við þolendur.

Námskeiðið fer fram með fyrirlestrum og umræðum þátttakenda.

Námskeiðið opnar 6. nóvember og er efnið opið á kennsluvef námskeiðsins til 27. nóvember. Fjarfundir fara fram þriðjudagana 11. og 25. nóvember kl. 13:00 – 15:00.

Smelltu á myndina til að sjá nánari upplýsingar um kennarann.

Verð kr. 39.000.

Athugið að flest stéttarfélög endurgreiða námskeiðsgjald eða hluta þess. 

Umsagnir þátttakenda eftir námskeiðið:

·       “Lærði að nálgast þolendur ofbeldis.”

·       “Lærði að þekkja einkenni og áhrif ofbeldis og þekkja leiðir til að vinna úr því.”

·       “Það hefur styrkt mig sem fagaðila.”

·       “Lært að vera alltaf vakandi fyrir ofbeldi.”

·       “Fengið ýmis gagnleg „verkfæri“ sem nýtast í starfi.”

“Fannst mjög víðtækt efni og komið inn á það sem ég hafði áhuga á. Frekari leiðir til að takast á við og bregðast við tlkynningum um heimilisofbeldi. Hvernig maður nálgast efnið.”