Grunnur að rekstri og bókhaldi

Námskeiðið Grunnur að rekstri og bókhaldi hentar öllum þeim sem vilja stofna sinn eigin rekstur og/eða fyrirtæki. Einnig þeim sem eru nú þegar í rekstri en vilja taka virkari þátt í fjármálahluta rekstrarins.

Námskeiðið er fjórar vikur og byggist upp á fyrirlestrum, fjarfundum, verkefnum og krossaprófum til æfingar.

Námskeiðið hefst 14. október og er í 4 vikur. Fundir með kennara eru á fimmtudögum kl. 20:00.

Kennari setur inn fyrirlestra sem þátttakendur geta hlustað á þegar þeim hentar. Verkefni verður gegnumgangandi í gegnum námskeiðið þar sem við stofnum fyrirtæki, færum í bókhald félagsins, reiknum laun, gerum upp VSK tímabil, kaupum og seljum eignir og vinnum með öll þau helstu tilfelli sem komið geta upp í rekstri.

Einu sinni í viku hittumst við á fjarfundi þar sem hægt verður að koma með spurningar, raundæmi og farið verður yfir verkefnið. Krossapróf verða opin á kennslusvæðinu þar sem þátttakendur geta æft sig og dýpkað skilninginn á efninu. Engar einkunnir eru gefnar og þátttakendur geta tekið krossaprófin eins oft og þeir vilja.

Við lok námskeiðsins eiga þátttakendur að hafa öðlast betri skilning á rekstrarumhverfi fyrirtækja á íslandi, haft grunnskilining á því hvernig bókhald er fært, hvernig laun eru reiknuð og hvernig ársreikningar virka.

Engin inntökuskilyrði eru. Námskeiðið er ætlað öllum þeim sem hafa áhuga á að kynnast betur hvernig rekstur fyrirtækis virkar og þeim sem hafa hug á að stofna fyrirtæki og/eða rekstur.

Dagskrá

Sigfús Örn Sigurðsson

Smelltu á myndina til að sjá nánari upplýsingar um kennarann.

Verð námskeiðsins er 31.000 kr. 

Minnum á að hægt er að sækja um styrki hjá flestum stéttarfélögum.