fbpx

Gagnagreining í R

- Gagnaúrvinnsla

Yfirlit

Gögn spila æ mikilvægara hlutverk í samfélaginu og þekking á gagnagreiningu í tölfræðiforritum eins og R verður því sífellt eftirsóttari. Námskeiðið er fyrir alla sem vilja læra að greina gögn með tölfræðiforritinu R. Gert er ráð fyrir að nemendur hafi grunnþekkingu á tölfræði og gagnagreiningu.  

Í námskeiðinu verður farið yfir eftirfarandi atriði: 

  • Grunn- aðgerðir, virkja og hugtök sem þarf að þekkja til að vinna í R forritunarumhverfinu 

  • Innlestur, hreinsun og undirbúning gagna fyrir úrvinnslu 

  • Grunntölfræðiúrvinnslu – lýsandi tölfræði og nokkrar aðferðir ályktunartölfræði 

  • Myndræna framsetningu gagna með ggplot2 

Í námskeiðinu verður nemendum kennt að skrifa kóða í R Script skrám. 

Fyrirkomulag fjarnáms

Námskeiðið er að fullu í fjarnámi og spannar 8 vikur.

Efnisskrá

Eftir námskeiðið á nemandi að geta: 

  • Lesið inn, hreinsað og undirbúið gögn í R 

  • Framkvæmt grunnúrvinnslu á gögnum í R 

  • Sett upplýsingar fram á myndrænan hátt með ggplot2 

  • Leitað sér að upplýsingum á netinu og tileinkað sér notkun nýrra aðferða í R 

Nemendur fá aðgang að námsefni sem skrifað var af kennara námskeiðsins á kennsluvefnum. Í námsefninu eru einnig ýmsar ábendingar um frekara lesefni. Námsefnið skiptist í inngangskafla og fimm efniskafla. Upptökur verða settar inn á kennsluvefinn vikulega þar sem farið verður yfir hvernig má nota það sem kynnt er í námsefninu í R. 

Fyrstu sex vikurnar lesa nemendur einn kafla í námsefninu á viku og horfa svo á þá upptöku sem fylgir þeim kafla. Í lok hvers kafla (fyrir utan inngangskafla) eru æfingar úr efni kaflans. Nemendur fá ekki beina endurgjöf fyrir æfingarnar heldur verða lausnir við æfingum birtar á kennsluvefnum. 

Í hverri viku verður opinn Zoom fundur þar sem nemendur geta mætt og fengið aðstoð við æfingarnar og svör við spurningum sem þau hafa um efni vikunnar. 

Í lok námskeiðsins (síðustu tvær vikurnar) vinna nemendur lokaverkefni þar sem þeir nota þær aðferðir sem kenndar voru í námskeiðinu. Þeir skila svo inn verkefninu og fá endurgjöf fyrir það. 

Dagskrá

Námskeiðið hefst 8. febrúar og stendur yfir í 8 vikur. 

Kennarar

Smelltu á myndina til að sjá nánari upplýsingar um kennarann.

Kostnaður

Verð á námskeiðinu er kr. 60.000. 

Mundu að kanna rétt þinn hjá starfsmenntunarsjóði fyrir niðurgreiðslu á námskeiðisgjaldinu.

Upphafsdagur

There a no startdates for this programme yet.

Áhugavert námskeið sem vert er að skoða